لكل من يكره البرادعى: أعطنى سببا (مقنعا) لهذه الكراهية مع ذكر الأدلة
قلت فى سؤالى بوضوح: مع ذكر الأدلة
"و كونك انت من انصار البرادعي فهذا حقك و "وحريتك الشخصية" ولكن كونك
تدافع عنه فلا يوجد أمامي الا اسمك المستعار هو الذي يفصح عن رأيك"
أولا: لقد افترضت جدلا أننى من أنصار البرادعى ولا أعلم من أين أتيت بهذا الاعتقاد؟ هلا أجبت من فضلك؟
ثانيا:
أنا لا أدافع عن البرادعى بالرغم من إعجابى الشديد بشخصه.. فالحقيقة واضحة
لمن يريد معرفتها والرجل سجله الوطنى المشرف واضح ويمكنك الرجوع إليه.. ثم
دعنى أوضح لك شيئا: عندما طلبت سببا مقنعا مع ذكر الادلة فأنا أعنى كل حرف
من سؤالى.. ولو هناك بالفعل اتهام واضح ضده مدعما بالأدلة فسأنضم بلا تردد
لكارهيه.
ثالثا: ما علاقة اسمى المستعار بالموضوع أساسا؟ عموما أنت
أيضا اسمك المستعار يفضح رأيك: بصفتك فيلسوف خبير بفلسفة الحقائق الواضحة
وإعطائها شكلا ومسميات بعيدة عن الواقع
عموما شكرا على إجابتك وكنت أتمنى أن أفند ما بها من مغالطات ولكنك للأسف لجأت لأسلوب غير راقى فى الحوار..
من يقول عميل للأمريكان هل لديك دليل او وقائع او شواهد او ظواهر
هتقولي
عشان كان شغال في الوكالة الدولية للطاقة الذرية هقولك وخد قلادة النيل
عشان رفع أسم مصر في وسط الأمم أيه حكاية بقي عميل دي ( جات منين )
هتقولي
هو اللي خله الأمريكان يدخلوا العراق هقولك يا سلام !! والامريكان مستنين
البرادعي يقولهم أدخلوا ولا لاء الراجل عمل اللي عليه وقال مفيش نووي هيعمل
ايه أكثر من كدا
هتقولي بنته بتلبس مايوه هقولك حرية شخصية أهم حاجة
متجوزة علي سنة الله ورسولة وكمان الصور دي صور عائلية ( بذمتك مفيش حد من
قرايبك ليه صور كدا ولا كدا علي شاطيء جمصة ولا رأس البر ) وبعدين العيب
على اللي أهتم بكشف عورات الناس وتتبعها خاصة ان هي مسلمة ومتجوزة مش
لاموآخذه حاجة تانية
عايز تعرف مين عميل الأمريكان
مبارك وجمال والشلة دي كلها هي فعلاً اللي عميلة بجد ولو مش عارف لازم تعرف
انا مش بدافع عن البرادعي قدر ما انا بدافع عن شخصية مصرية مشرفة حائزة علي جائزة نوبل وقلادة النيل
الجميع كان فخور به ولكن بعد ظهورة في مصر ومواقفه المعارضة لنظام مبارك بدأت الحرب ضده من شائعات ومغالطات
انا واثق ان الشعب المصري ذكي وعارف الكلام ده كويس بس المشكلة في أنك تتخذ موقف وتصمم انك تمشي فيه معرفش عند ولا موقف وخلاص ...